بیجنگ: چین کےشہر شہانشی میں زورداردھماکے کے نتیجے میں 14 افراد ہلاک اور کم ازکم147 زخمی ہوگئے۔
تفصیلات کےمطابق چین میں دھماکہ شمالی صوبے سہانشی کے علاقے شین من میں ہوا جس کے نتیجے میں 5 عمارتیں تباہ ہوگئیں جبکہ دیگر 58 عمارتوں کو جزوی طور پرنقصان پہنچا۔پولیس نے دھماکے میں ملوث 3ملزمان کوگرفتار کرلیا۔
چینی پولیس حکام کا کہناہےکہ واقعےکی ابتدائی تحقیقات میں پتہ چلا ہےکہ دھماکہ غیر قانونی طور پر ذخیرہ کیے گئےدھماکہ خیز مواد کے پھٹنے سے ہوا ہے۔
پولیس حکام کا کہناہےکہ ابتدائی تفتیش میں ملزمان نے دھماکہ خیز مواد کی غیر قانونی پیداور اور اسے ذخیرہ کرنے کا اعتراف کیا۔
مزید پڑھیں:چین میں انڈسٹریل پلانٹ میں دھماکہ،21افرادہلاک،5زخمی
ریسکیو حکام کا کہناہےکہ دھماکے کے بعد زخمیوں کو ریسکیو اہلکاروں نے اسپتال منتقل کیا جہاں 100 سے زائد زخمی زیر علاج ہیں۔
واضح رہے کہ گذشتہ سال چین کے شمالی پورٹ تیان جن میں ایک کیمیکل کی ذخیرہ گاہ میں ہونے والے دھماکے کے باعث 165 افراد ہلاک ہوگئے تھے۔
