تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کیا آپ خاموشی کے فوائد جانتے ہیں؟

کیا آپ جانتے ہیں کہ ہمارے لیے خاموشی کتنی ضروری ہے؟ ماحول کی خاموشی کے ان فوائد پر ضرور غور کریں۔

سال 2013 میں ہونے والی ایک تحقیق کے مطابق 2 گھنٹے خاموشی میں گزارنا ہمارے دماغ کے مخصوص حصے ہیپو کیمپس میں نئے خلیے بنانے میں مدد گار ثابت ہوتا ہے۔ ہیپوکیمپس کا حصہ یاداشت، سیکھنے کی صلاحیت اور جذبات میں توازن کا ذمہ دار ہوتا ہے۔

silence-3

ہمارا دماغ مسلسل کام کرتا رہتا ہے، حتیٰ کہ جب ہم آرام بھی کر رہے ہوں۔ آرام کی حالت میں ہمارا دماغ تیزی سے کام کرتے ہوئے دن بھر کے واقعات اور معمولات کو پروسس کرتا ہے۔ شور کی غیر موجودگی میں جب یہ عمل احسن انداز میں سر انجام پائے تو دماغ انسان میں تجربات، تجزیات اور یاداشت سے متعلق نئی صلاحیتیں پیدا کرتا ہے۔

دماغ کو چند گھنٹوں کا سکون ملنا بہت اہم ہے کیونکہ یہ دماغ کے ان خلیوں کو کھولتا ہے جن کی مدد سے ہم دنیاوی چیزوں کو مزید بہتر طریقے سے جان سکتے ہیں۔ تحقیق نے یہ بات ثابت کی ہے کہ محض 2 منٹ کی خاموشی بھی انسان کے لیے بے حد مفید ہے۔

silence-2

خاموشی کے ذریعہ انسان اپنے کام کو مستحکم بنا سکتا ہے، خاموشی سے انسان اپنے کام میں لگن اور ہمت پیدا کر سکتا ہے۔ خاموشی اختیار کرنے سے قلبی سکون بھی حاصل ہوتا ہے۔

Comments

- Advertisement -