سان فرانسسکو : ایپل کا نیا اسمارٹ فون آئی فون 7 آج متعارف کرایا جائے گا جبکہ ممکنہ طور پر ایپل واچ کا نیا ورژن متعارف کرایا جاسکتا ہے۔
September 7 at 10 a.m. PT
Watch the event on https://t.co/yLa2e4Xr2R.
RT for a reminder on event day. #AppleEvent pic.twitter.com/e9MHNkLeoi— Apple (@Apple) September 2, 2016
آئی فون پسند کرنے والوں کو جس دن کا بے صبری سے انتظار تھا وہ دن آگیا ہے،ایپل کمپنی سان فرانسسکو میں ہونے والی سالانہ تقریب کے دوران آج نیا فون آئی فون سیون متعارف کرارہی ہے، رپورٹس کے مطابق ایپل کا نیا اسمارٹ فون آئی فون سکس ایس جیسا ہی ہوگا۔
توقع کی جا رہی ہے کہ آئی فون سیون میں کیمرے کا معیار بہتر ہوگا اور بڑے ماڈلز میں دو عدسوں والا کیمرہ بھی پیش کیا جا سکتا ہے، اس قسم کا کیمرے میں تصویر کی کوالٹی کو بہتر بنانے کی صلاحیت ہوتی ہے۔
اس بار ایپل نے ہیڈ فون جیک کو ڈیوائس سے نکال دیا ہے، جو اس کی سب سے بڑی تبدیلی بتائی جارہی ہے، اس کے علاوہ متوقع تبدیلیوں میں پہلے سے بہتر میموری، ہوم بٹن کی ٹچ سینسر سے تبدیلی اور بہتر سپیکرز شامل ہیں۔
یہ امکان ظاہر کیا جارہا ہے کہ پہلی بار ایپل کا کوئی آئی فون واٹر پروف ہوگا تاکہ گلیکسی ایس سیون کو پسند کرنے والوں کو اپنی جانب کھینچا جاسکے۔
توقع ہے کہ نئے آئی فون کے بیسک ماڈل کی قیمت 650 ڈالرز سے شروع ہوسکتی ہے۔
