کراچی: کراچی میں بے دردی سے قتل کیے جانے والے معروف قوال امجد صابری کے قتل کا ایم کیوایم کے زیر حراست سیکٹر انچارج شہزاد ملا نے اعتراف کرلیا۔
Sabri was killed over non-payment of extortion… by arynews
تفصیلات کے مطابق امجد صابری قتل کیس میں پیش رفت ہونے لگی،حراست میں لیے گئے ایم کیوایم کے سیکٹر انچارج شہزاد ملا نے معروف قوال کے قتل کا اعتراف کر لیا اور کہا ہے کہ قتل بھتہ نہ دینے پر کیا۔
ذرائع کے مطابق امجد صابری کو بھتہ نہ دینے پر قتل کیا گیا۔ ریکی اورٹارگٹ کلنگ ایم کیوایم کے چار دہشت گردوں نے کی۔ شہزاد ملا نے سیکیورٹی اداروں کو بتایاکہ امجد صابری کے قتل کا ٹاسک لیاقت آباد سیکٹر کے عمران اور نعمان کو دیا گیا۔
امجد صابری کی ٹارگٹ کلنگ کے لیے دہشت گردوں کی چھ ٹیمیں تشکیل دی گئی تھیں۔ زیرحراست سیکٹرانچارج شہزاد ملا پر قتل اور اقدام قتل سمیت 40 سے زائد مقدمات درج ہیں۔
قانون نافذ کرنے والے اداروں نے شہزاد ملا کی گرفتاری صیغہ راز میں رکھی۔ سیکیورٹی اداروں کو ایک اہم ملزم اور امجد صابری کے قتل میں استعمال ہونے والے اسلحے کی تلاش ہے۔
