قاہرہ : مصر میں 7 ہزار سال سے بھی زیادہ قدیم شہر دریافت کیا گیا، جس کا تعلق شاہی خاندانوں کی ابتدا سے ہے۔
مصری وزارت آثار قدیمہ کے مطابق یہ قدیم شہر جنوبی صوبے سوہاگ میں دریافت ہوا، جو بالائے مصر کے قدیم شہروں میں سے ایک تھا۔
آثار قدیمہ کی ٹیم قاہرہ کے جنوب میں واقع ابیدوس نامی مقام پر سیٹی آئی کے مندر سے 400میٹرز دوری پر کھدائی کررہی تھی ، جب یہ شہر دریافت کیا۔
توقع کی جارہی ہے کہ 2011 میں حسنی مبارک کا تختہ الٹنے کے بعد سے مصر زوال پذیر کا شکار ہے ، یہ نئی دریافت اس کی سیاحتی صنعت کو نئی زندگی بخش سکتی ہے۔
ماہرین کے مطابق دریافت ہونے والا یہ قدیم شہر ممکنہ طور پر اعلیٰ عہدیداران اور گورکنوں کی رہائش گاہ تھا، یہ دریافت قدیم مصری شہر ابیدوس کے بارے میں نئی معلومات فراہم کرسکے گا۔
ماہرین کا کہنا ہے کہ ابیدوس مصر میں شہنشاہیت کے قیام سے قبل اور اولین چار خاندانوں کی حکمرانی کے دوران دارالحکومت رہا تھا۔
آثار قدیمہ کے ماہرین کا کہنا ہے کہ اس جگہ سے ہٹ اور لوہے کے اواز بھی برآمد کیے ہیں جبکہ پندرہ بڑی قبریں بھی ہیں جو کہ اس وقت ابیدوس میں موجود بادشاہوں کی قبروں سے بھی بڑی ہیں۔
قبروں کے حجم سے اندازہ ہوتا ہے کہ اس زمانے میں یہاں دفن افراد کتنی اہمیت رکھتے تھے اور یہ قدیم مصری تاریخ کے ابتدائی دور میں بھی اعلیٰ سماجی حیثیت رکھتے تھے۔
