ابوجا: نائجیریا کے شہر مداگالی میں دو خود کش دھماکوں میں 56افراد ہلاک اور 177 زخمی ہوگئے۔
نائجیریا کی اداما ریاست کے شہر مداگالی کے مصروف ترین مارکیٹ میں دو خواتین خودکش بمبار نے خود کو دھماکہ خیز مواد سے اڑا لیا،جس کے نتیجے میں 30 افراد موقع پر ہی ہلاک ہوگئے تھے جبکہ مزید چھبیس افراد نے اسپتال میں زخموں کی تاب نہ لاتے ہوئے دم توڑدیا جس کے بعد مرنے والوں کی تعداد چھپن ہوگئی ہے، زخمیوں کو مقامی اسپتالوں میں منتقل کردیا گیا ہے۔
سرکاری حکام کے مطابق دو خواتین جو مارکیٹ میں خریدار بن کر آئی تھی، خودکش دھماکہ خیز مواد سے اڑا لیا۔
دھماکے کے بعد سیکیورٹی فورسز نے علاقے کو گھیرے میں لے لیکر سرچ شروع کردی۔
سرکاری حکام نے شہریوں سے اپیل خون کی عطیات کی اپیل کی ہے۔
مزید پڑھیں : نائجیریا میں دوخودکش حملے، 60 ہلاک درجنوں زخمی
یاد رہے کہ رواں سال فروری میں نائیجیریا میں یکے بعد دیگرے دو خودکش حملوں میں 60 افراد ہلاک اور 78 زخمی ہوئے تھے، یہ حملہ بھی خواتین نے کیا تھا۔
خیال رہے کہ گذشتہ 7 سال سے نائیجیریا میں جاری خانہ جنگی اور مسلح کشیدگی میں اب تک 20000 سے زائد افراد ہلاک ہو چکے ہیں۔
واضح رہے کہ یہ پہلی مرتبہ نہیں ہوا کہ خود کش دھماکوں کیلئے خواتین کو استعمال کیا ہے اس سے قبل بھی اس طرح کے حملوں کے لئے خواتین اور بچوں کو استعمال کیا جاتا رہا ہے۔
