کابل: افغان فضائیہ کی اپنی ہی فوجی چوکی پر بمباری کے واقعے میں5 فوجی اور ایک پولیس اہلکار ہلاک ہو گیا۔
تفصیلات کے مطابق افغان وزارت دفاع کے ترجمان دولت وزیری نے بتایا کہ صوبہ فرح کے علاقے کینسک میں طالبان سے نبرد آزما افواج نے فضائی مدد طلب کی لیکن فضائیہ کے ہیلی کاپٹر نے غلطی سے اپنی ہی فوج پر بمباری کردی۔
مزید پڑھیں:کابل : غیر ملکیوں کے گیسٹ ہاؤس پر ٹرک بم دھماکا
انہوں نے کہا کہ ہدف کے غلط تعین کے نتیجے میں ہیلی کاپٹر نے افغان فوج کی چوکی پر بمباری کردی جس کے نتیجے میں 5 فوجی اور ایک پولیس افسر ہلاک ہو گیا جبکہ واقعے کی تحقیقات شروع کر دی گئی ہے۔
مزید پڑھیں: کابل:افغان صوبے ہلمندمیں طالبان کاحملہ،امریکی صحافی ہلاک
افغانستان کے مغربی صوبے میں تشدد کی کارروائیوں میں دن بدن اضافہ ہوتا جارہا ہے،اگست کے مہینے میں اسی علاقے میںامریکہ،برطانیہ اور جرمنی کے سیاح راکٹ حملے میں مارے گئے تھے،اس حملے میں ایک ڈرائیور بھی زخمی ہوگیا تھا۔
واضح رہے کہ ‘دوستانہ فائرنگ’ کا سب سے بدترین حملہ گزشتہ سال جولائی میں ہوا تھا جب صوبہ لوگر میں افغان چوکی پر امریکی فضائی کارروائی کے نتیجے میں 10 افغان فوجی مارے گئے تھے۔
