کراچی : صفورہ چورنگی پر اسماعیلی کمیونٹی کی بس پر ہونے والی فائرنگ میں ملوّث گرفتار ملزمان نے ڈیفنس میں قتل ہونے والی این جی او کی سربراہ سبین محمود کو قتل کرنے کابھی اعتراف کیا ہے۔
تفصیلات کے مطابق سانحہ کراچی میں اسماعیلیوں کو ہلاک کرنے والے ملزمان کی سی سی ٹی وی تصاویر اے آر وائی نیوز نے حاصل کرلیں ۔
سانحہ صفورا کے ملزمان نےسبین محمود کےقتل کابھی اعتراف کرلیا، سانحہ کراچی میں قاتل کہاں سےآئے؟ واردات کےبعد کیسے فرار ہوئے ؟ اےآر وائی نیوز نےسی سی ٹی وی تصاویر حاصل کرلیں۔
سی سی ٹی وی تصاویر میں دیکھا جاسکتا ہے کہ حملہ آورایک گاڑی اور تین موٹر سائیکلوں پر سوار تھے۔ حملہ آور ملزمان نے آنے اور جانے کے لئے ایک ہی راستہ استعمال کیا ۔
حملہ آوروں کے آنے اور فرار ہونے کی مکمل فوٹیج قانون نافذ کرنے والے اداروں کے پاس ہے جس کی روشنی میں تحقیقات کی جارہی ہیں۔
واضح رہے کہ اس اندوہناک واقعہ میں ملوث چارملزمان کوگرفتارکیاجاچکاہے۔
Safoora CCTV Footage by arynews
