بیجنگ: چین کے ایک شہر سے کھدائی کے دوران ڈائنو سار کے کئی درجن انڈے نکل آئے۔
جنوبی چین کے شہر ہی یوآن سے ماضی میں بھی ڈائنو سار کے انڈے برآمد ہوتے رہے ہیں اور حالہ دنوں ایک عمارت کی تعمیر کے لئے کی گئی کھدائی کے دوران ڈائنو سار کا ایک گھونسلہ برآمد ہوا ہے جس میں 43 انڈے ہیں۔
شہر کے ڈائنوسار میوزیم کے کیوریٹر چن ہوا کا کہنا ہے کہ ’’ان انڈوں میں 19 بالکل صحیح حالت میں ہیں لیکن یہ کس ڈائنوسار کے ہیں یہ بات ابھی تک صیغۂ راز ہے‘‘۔
ان کاکہنا ہے کہ یہ انڈے حجم میں کافی بڑے ہیں اور ان میں سے ایک کا قطر تو 5.1 انچ ہے، تمام انڈوں کو محفوظ کرنے اور مزید تحقیق کرنے کے لئے میوزیم بھیج دیا گیا ہے۔
ہی یوآن نامی شہر میں پہلی بار 1996 میں ڈائنوسار کے انڈے کچھ بچوں کو ایک زیرِ تعمیر عمارت کے قریب سے ملے تھے اور اب تک لگ بھگ 17 ہزار انڈے برآمد ہو چکے ہیں۔
Comments
- Advertisement -