اسلام آباد: پاکستان تحریک انصاف کے سربراہ عمران خان معروف ٹی وی اینکرریحام خان کے ہمراہ نکاح کے بندھن میں بندھ گئے ہیں۔
عمران خان اورریحام خان کو نکاح کے بندھن میں باندھنے کے لئے مفتی سعید بنی گالہ پہنچے تھے اوران کا کہنا تھا کہ جس خوشخبری کا سب کو انتظارتھا اسی کے لئے میں یہاں آیا ہوں۔
ذرائع کا کہنا ہے کہ ریحام خان صبح چھ بجے سے عمران خان کی رہائش گاہ بنی گالہ پرموجود ہی۔
عمران خان نے اپنے نکاح کے موقع پر سیاہ رنگ کی شیروانی زیب تن کی ہے۔
پاکستان تحریکِ انصاف کی ترجمان شیریں مزاری نے میڈیا سے گفتگو کرتے ہوئے کہا تھا کہ عمران خان کی شادی کی تقریب سادگی سے ہوگی۔
اس موقع پرعمراں خان کی بہن حلیمہ خان کے علاوہ کوئی دوست یا عزیز موقع پر موجود نہیں ہے جبکہ ریحام خان کے گھرکے افراد اورچند قریبی سہیلیاں موجودہیں
Comments
- Advertisement -
