لندن :سبزیوں اور پھلوں کا بھرپور استعمال امراض قلب اور فالج سے بچاؤ میں نہایت مفید ہے۔
امپرئیل کالج لندن میں ہونے والی تحقیق کے مطابق اپنی غذاکو پھلوں اور سبزیوں سےبھرپور کردیناامراض قلب اور فالج جیسےجان لیوا مراض کاخطرہ کم کردیتا ہے۔
تحقیق میں بتایا گیا ہے کہ جولوگ اکثر سبزیوں و پھلوں پرمشتمل غذا استعمال کرتے ہیں ان میں شریانوں کےامراض کے نتیجے میں ہلاک ہونے کا خطرہ بیس فیصد تک کم ہوجاتا ہےجبکہ گوشت سےمکمل گریز کے بجائے کبھی کبھار سبزیوں کےساتھ استعمال دل کےامراض اور فالج سے بچاؤ کا موثر زریعہ ہے۔
تازہ سبزیوں اور پھلوں کا استعمال صحت کیلئے مفید ہونے کے ساتھ ساتھ دائمی بیماریوں سے محفوظ رکھنے کا سبب بھی بنتا ہے، آسٹریلیا کی ایڈی لیڈ یونیورسٹی کے ماہرین کی جانب سے کی گئی ایک نئی تحقیق کے مطابق پھلوں اور سبزیوں کا باقاعدگی سے استعمال کئی دائمی اور مہلک امراض سے محفوظ رکھتا ہے۔
تحقیق کے مطابق پھل اور سبزیاں انسانی جسم میں گیارہ مختلف مہلک اور دائمی بیماریوں کے جراثیم کی افزائش کو روکتی ہیں جن میں کینسر، ہیپاٹائٹس،انیمیا،فالج ،ہائی بلڈ پریشراور ذیابطیس سمیت دیگر جان لیوا بیماریاں شامل ہیں۔
ماہرین کے مطابق پھلوں ،سبزیوں اوراناج کا باقاعدگی سے استعمال کر کے جسم کو درکار مختلف وٹامن کے حصول کے ساتھ ساتھ مہلک امراض سے محفوظ رہا جاسکتا ہے۔
چنگ ڈاؤ یونیورسٹی کی تحقیق کے مطابق روزانہ 200 گرام پھلوں کا استعمال فالج کا خطرہ32 فیصد تک کم کردیتا ہے،جب کہ اتنی ہی مقدار میں سبزیاں کھانے سے اس بیماری کا امکان 11 فیصد کم ہوجاتا ہے۔
چینی ماہرین نے گذشتہ 2 دہائیوں کے دوران ہونے والی20 تحقیقی رپورٹس کا جائزہ لے کریہ نتیجہ مرتب کیا ہے ک غذائی عادات میں بہتری اور صحت مندطرز زندگی امراض قلب اورفالج سے بچاؤکے لئے سب سے بہترین راستہ ہے۔
ماہرین کا کہنا ہے کہ سبزیوں اور پھلوں کا بطورغذازیادہ سے زیادہ استعمال صحت مند زندگی کے لئے بہت ضروری ہے۔اس سے پہلے کئی تحقیقی رپورٹس میں یہ بات بھی سامنے آچکی ہے،کہ سبزیوں اور پھلوں کے استعمال سے بلڈ پریشر کم رہتا ہے جبکہ کولیسٹرول سمیت دیگر کئی امراض سے بچت بھی ہوتی ہے
