مونٹریال:سعودی عرب نے کینیڈا کے صوبے کیوبیک سے کہا ہے کہ وہ ان کی حکومت پر بلاگر کو کوڑے مارنے کے معاملے پر تنقید بند کرے۔
بلاگر رائف بدوی کو اسلام کی اہانت کے جرم میں ایک ہزار کوڑون کی سزا سنائی گئی ہے۔
کینیڈا میں سعودیہ کے سفیر نائف بن بندر السودیری نے کینڈین حکومت کے نام لکھے گئے خط میں کہا ہے کہ ’’سعودی حکومت اپنے اندرونی معاملات میں کسی بھی قسم کی مدداخلت برداشت نہیں کرے گی اور یہ کہ وہ اپنے انصاف کے نظام پر ہونے والے حملے کو مسترد کرتے ہیں‘‘۔
یہ خط کینیڈا اور اسکے صوبے دونوں کی حکومتوں کو بھیجا گیا جہاں بلاگر بدوی کی بیوی اور تین بچوں نے پناہ حاصل کررکھی ہے۔
کیوبیک کے امیگریشن منسٹر کا کہنا ہے کہ ان کی حکومت رائف بدوی کی حمایت جارے رکھے گی کیونکہ یہ انسانی حقوق کے منافی فیصلہ ہے۔
رائف بدوی کے جدہ میں 50 کوڑے 9 جنوری کو مارے جاچکے ہیں اور باقی کی سزا کے لئے اس کی صحت بہتر ہونے کا انتظار کیا جارہا ہے۔
